لاهور(م ڊ) مرڪزي چنڊ ڏسڻي ڪميٽي جي چيئرمين مولانا سيد محمدد عبدالخبير آزاد چيو آهي ته اسلام اقليتن جي حقن جي تحفظ جي ڳالهه ڪري ٿو جڙانوالا ۾ مسيحي برادري جي عبادتگاهن ۽ انهن جي گهرن کي ساڙڻ غير شرعي عمل آهي اهڙو اظهار هن ڪالهه مسيحي برادري سان يڪجهتي جي اظهار لاءِ سمورن مذهبن جي ناليوارين شخصيتن تي ٻڌل وفد سان گڏ ڪرسچن ڪالوني عيسيٰ نگر ۽ ٻين هنڌن جي دوري جي موقعي تي ميڊيا ۽ متاثرن سان ڳالهائيندي ڪيو. هن چيو ته اسان کي پاڪستان کي ڏڦيڙ ۽ تشدد کان پاڪ ۽ پرامن پاڪستان بڻائڻو آهي.
