ڪوئيٽا (ويب ڊيسڪ) بلوچستان جي ضلعن خاران ۽ واشڪ ۾ سيڪيورٽي فورسز جي انٽيليجنس بيسڊ آپريشن دوران 11 دهشتگرد مارجي ويا.
پاڪ فوج جي ترجمان اداري آءِ ايس پي آر موجب، 6 ۽ 7 سيپٽمبر تي خاران ۽ واشڪ ۾ دهشتگردن جي موجودگيءَ جي اطلاع تي ڪارروائيون ڪيون ويون.
آءِ ايس پي آر موجب، 6 سيپٽمبر تي دهشتگردن خاران ۾ روڊ بلاڪ ڪري ٽريفڪ معطل ڪرڻ جي ڪوشش ڪئي، جنهن تي سيڪيورٽي فورسز فوري ڪارروائي ڪندي دهشتگردن جو گهيرو ڪيو. فائرنگ جي ڏي وٺ دوران 8 دهشتگرد مارجي ويا.
ترجمان موجب، 7 سيپٽمبر تي واشڪ جي علائقي ۾ به دهشتگردن جي موجودگيءَ جي اطلاع تي آپريشن ڪيو ويو، جنهن دوران سيڪيورٽي فورسز دهشتگردن جي ٺڪاڻي کي تباهه ڪري ڇڏيو ۽ فائرنگ جي ڏي وٺ ۾ وڌيڪ 3 دهشتگرد مارجي ويا.
آءِ ايس پي آر موجب، ڪارروائين دوران 2.9 ٽن بارودي مواد پڻ هٿ ڪيو ويو، جيڪو ديسي جا بم تيار ڪرڻ لاءِ استعمال ڪيو پئي ويو.
