نوجوانن کي ڊجيٽل ۽ فني مهارتون سيکارڻ لاءِ هڪ نئين تربيتي پروگرام جو اعلان ڪيو ويو آهي، جنهن تحت سڄي پاڪستان ۾ 50 هزار اسڪالرشپ ڪارڊ ڏنا ويندا. درخواستون جمع ڪرائڻ جي آخري تاريخ 21 آگسٽ 2026ع آهي.
هنرمند پنجاب ايڊوانسڊ آءِ ٽي اينڊ ٽيڪنيڪل ٽريننگ پروگرام تحت 30 کان وڌيڪ شعبن ۾ ڪورس ڪرايا ويندا، جن ۾ هٿرادو ڏاهپ (AI)، ڊجيٽل مارڪيٽنگ، ويب ڊولپمينٽ، گرافڪ ڊزائننگ، اي ڪامرس، سائبر سيڪيورٽي، ڊيٽا سائنس، فري لانسنگ، وڊيو ايڊيٽنگ، ايپ ڊولپمينٽ ۽ يوٽيوب مونيٽائيزيشن شامل آهن.
اهليت:
- پاڪستاني شهري، جن جي عمر 15 کان 50 سال جي وچ ۾ هجي، درخواست ڏئي سگهن ٿا.
- اميدوار لاءِ گهٽ ۾ گهٽ ميٽرڪ پاس هجڻ لازمي آهي.
- 50 هزار اسڪالرشپ ڪارڊن مان 25 هزار پنجاب لاءِ رکيا ويا آهن، جڏهن ته باقي 25 هزار آزاد ڪشمير، خيبرپختونخوا، سنڌ ۽ بلوچستان ۾ ورهايا ويندا.
- اميدوارن کي پروگرام جون ٻيون مقرر ڪيل شرطون به پوريون ڪرڻيون پونديون.
- آخري جائزي يا ٽيسٽ ۾ گهٽ ۾ گهٽ 85 سيڪڙو نمبر حاصل ڪرڻ لازمي هوندا.
نمبرن جي حساب سان مراعتون
اعلان ڪيل ميرٽ موجب:
- 85 سيڪڙو: فيس جي واپسي لاءِ اهل قرار ڏئي سگهجي ٿو.
- 86 کان 88 سيڪڙو: سولر پينل
- 89 کان 91 سيڪڙو: ڪروم بڪ
- 92 کان 94 سيڪڙو: ليپ ٽاپ
- 95 سيڪڙو يا ان کان وڌيڪ: اليڪٽرڪ بائيڪ
موجود ڪورس
هن پروگرام ۾ ٽيڪنالاجي ۽ فني مهارتن لاءِ هيٺيان ڪورس شامل آهن:
- ايمازون ورچوئل اسسٽنٽ
- شاپيفاءِ ۽ دراز تي آن لائن ڪاروبار
- ورڊپريس ويب سائيٽ ڊولپمينٽ
- ري ايڪٽ ۽ نوڊ جي ايس
- MERN اسٽيڪ
- PHP لاراول
- پائٿن پروگرامنگ
- مشين لرننگ
- سرچ انجڻ آپٽمائيزيشن (SEO)
- گوگل اشتهار (Google Ads)
- آءِ اي ايل ٽي ايس جي تياري
- ٽيڪسٽائل ڊزائننگ
- ڊجيٽل ڪڙهائي
- پينيٽريشن ٽيسٽنگ / سائبر سيڪيورٽي ٽيسٽنگ
