لاهور(سجاد انور)سياستدان اسٽيبلشمينٽ خلاف هڪ ٿيڻ لڳا،نورين نيازي جو تڪراري بيان به اچي ويو،ڪشمير ۾ جوائنٽ ايڪشن ڪميٽي جو معاملو آهي، جتي ڪلهه اڳوڻي وزيراعظم تي حملو ٿيو ۽ اتي به عوام رياست کي للڪاري رهيو آهي، بلوچستان ۽ ڪي پي ڪي ۾ دهشتگردي وڌي رهي آهي، جڏهن ته جيتري وڏي ڪاميابي آمريڪا جي حق ۾ پاڪستان کي ملي ۽ عاصم منير جي پروفائلنگ بهتر ٿي، هو آرمي چيف مان چيف آف ڊيفينس فورسز بڻجي ويو، پر پاڪستان جون اندريون حالتون خراب ٿي رهيون آهن، اسٽيبلشمينٽ پاڪستان کي هارڊ اسٽيٽ بڻائڻ جو اعلان ڪيو هو،هي طاقتور شخصيت جو اڪيلي جو معاملو ناهي. اسان وٽ 70 سالن کان سول-ملٽري لاڳاپا سڀ کان وڏي فالٽ لائن رهيا آهن. هي پاڪستان جي رياست جو هڪ مستقل مرض آهي پر اسٽيبلشمينٽ ان کي تسليم ناهي ڪندي ته هي ڪو مسئلو آهي. هو چون ٿا ته هي هڪ فالس پروپيگنڊا آهي ته سول-ملٽري جو ڪو جهيڙو آهي، اسان ته جيڪا به حڪومت هوندي آهي ان جي تابع هوندا آهيون. پر حقيقت هيءَ آهي ته حڪومتن جي ٺاهڻ ۽ ڊاهڻ ۾ اسان جي اسٽيبلشمينٽ جو هٿ هوندو آهي. سڄو ملڪ آرمي چيف ڏانهن ڏسندو آهي. آزاد ڪشمير ۾ پهرين دفعو اتي ايترو سخت مسئلو شروع ٿيو آهي جو اوهان کي اتي انٽرنيٽ وغيره بند ڪرڻو پئجي ويو آهي. بلوچستان ۾ به جيڪي جبلن تي ماڻهو هئا اهي مزاحمت ڪندا هئا پر سيٽلڊ ضلعن جا ماڻهو رياست سان تعاون ڪندا هئا، پر هي جيڪو منگي ڊيم جو واقعو ٿيو ان ۾وارث جنازا کڻي ويهي رهيا. بلوچستان جي صوبائي حڪومت جو ڪو به ڪردار نظر نه پيو اچي،عمران خان جي جيڪا لابي ٻاهر ويٺل آهي، اهي سمجهن ٿا ته عمران خان جي وڃڻ کان پوءِ ملڪ تباهه ٿي ويو ۽ ان جي ذميواري اسٽيبلشمينٽ تي وجهن ٿا. هڪ زمانو هو ته اسٽيبلشمينٽ جا مشير وڏي ڪيليبر جا ماڻهو هوندا هئا جهڙوڪ مشاهد حسين سيد، مليحه لوڌي، مجيد نظامي وغيره، جيڪي مختلف شين جا حل ٻڌائيندا هئا. هاڻي اهڙي لابي اسٽيبلشمينٽ وٽ دستياب ناهي ۽ ملڪ جي اندر شين کي ٺهڪندڙ ڪرڻ لاءِ ڪاوڙ کان سواءِ اسٽيبلشمينٽ وٽ ڪا شيءِ ناهي. مولانا حيدري چيو ته اسان جي ايڇ ڪيو اينداسين ته اڳيان يوٽيوبرز ذريعي جواب ڏنو ويو ته "اچو پوءِ ڏسنداسين” پر هي ڪو جواب ناهي. پي ٽي آئي کي اوهان چار سال اڳ لانچ ڪيو، وزيراعظم بڻايو ۽ هاڻي هو اوهان جي سامهون بيهي رهيا آهن. ڀارت کي هڪ موقعو ملي ويو آهي ته هو بلوچستان، ڪي پي ڪي ۽ ڪشمير ۾ تيل اڇلائين. جيستائين اوهان شين کي ذهانت سان هينڊل نه ڪندا، طاقت صرف دشمن لاءِ هوندي آهي پر ملڪ جي اندر ذهانت استعمال ڪرڻ جي ضرورت آهي.ٻئي پاسي بلاول ڀٽو اڄ ڪشمير ۽ گلگت بلتستان جي ڳالهه ڪري رهيو آهي، پهريان هو سينيٽ ۽ 18هين ترميم جي خاتمي جي خلاف ڳالهائي رهيو هو، ان وقت به پيغام انهن کي ئي ڏئي رهيو هو. چاڪاڻ ته جڏهن اوهان ايڏا وڏا اسٽيڪ هولڊر آهيو ته سڀئي شيون اوهان ڏانهن ئي اينديون. پر هي سياسي جماعتون اسٽيبلشمينٽ لاءِ غنيمت آهن جيڪي هن فيڊريشن جي اندر رهي اوهان سان ڪم ڪرڻ چاهين ٿيون. اوهان کين ڪنهن ناراضگي يا غصي سان پاڻ کان پري نه ڪريو ته اهي به پي ٽي آئي يا ايم ڪيو ايم وانگر ڪنهن اهڙي حد تي هليون وڃن جيڪو قومي مفاد جي خلاف هجي.ٻئي پاسي پنجاب ۾ روڊا ۽ وفاقي وزير عليم خان ۾ ڇڪتاڻ آهي، اهو به هاڻي هڪ سياسي شڪل اختيار ڪري چڪو آهي. جيڪڏهن اهڙي ٻوڏ ٻيهر اچي ٿي ته رڳو عليم خان جي سوسائٽي نه پر آس پاس جا علائقا به ٻڏي ويندا. هن کي جولائي کان 3-4 مھينا اڳ ئي سيٽل ڪرڻ گهرجي ها. ان جي ذميواري حڪومت تي به اچي ٿي ۽ عليم خان تي به ايندي. جيڪڏهن ٻيهر پاڻي آيو ته انهن جي پارڪ ويو سوسائٽي ۾ سيڙپڪاري خطري ۾ پئجي ويندي.
