حيدرآباد(ويب ڊيسڪ) بينظير انڪم سپورٽ پروگرام (بي آءِ ايس پي) جي مستحق عورتن جي في قسط مان 2 هزار رپيا ڪٽيندڙ 8 ڊيوائس هولڊرز کي گرفتار ڪيو ويو آهي.
وفاقي جاچ اداري (ايف آءِ اي) حيدرآباد جي علائقي لطيف آباد ۾ بي آءِ ايس پي سينٽر تي ڇاپو هنيو ، جتي ڊيوائس هولڊر غير قانوني طور مستحق عورتن جي قسط مان 1500 کان 2000 رپيا ڪٽي رهيا هئا.
ايف آءِ اي اختيارين جو چوڻ آهي ته ڪارروائي دوران 8 ڊيوائس هولڊرز کي گرفتار ڪري بائيو ميٽرڪ ڊيوائسز، 13 لک 86 هزار رپين کان وڌيڪ روڪ رقم ۽ اهم رڪارڊ هٿ ڪري قبضي ۾ ورتو ويو آهي.
ايف آءِ اي اختيارين موجب، گرفتار جوابدارن خلاف ڪيس داخل ڪيو ويو آهي، جڏهن ته سندن نشاندهي تي وڌيڪ جوابدارن خلاف به ڪارروائي ڪئي پئي وڃي.
