ڪراچي(رپورٽر) سنڌ جي وڏي وزير سيد مراد علي شاهه ڪالهه پوسٽ بجيٽ پريس ڪانفرنس کي خطاب ڪندي چيو ته هي بجيٽ گذريل سالن جي ڀيٽ ۾ مختلف نوعيت جو آهي،شروعات ۾ اين ايف سي ايوارڊ تحت صوبن جي حصي ۾ گهٽتائي جي تجويز غور هيٺ آئي،پر صوبن پنهنجي آئيني حقن جو دفاع ڪيو، هن چيو ته اسان ايندڙ سال 2,056 جاري اسڪيمون مڪمل ڪرڻ وارا آهيون. هن بجيٽ ۾ ڪا به نئين ترقياتي اسڪيم ناهي، جڏهن ته پي پي پي فريم ورڪ تحت منصوبن لاءِ 109 ارب رپيا رکيا ويا، وڏي وزير چيو ته پي پي پي قيادت، جنهن ۾ آصف علي زرداري ۽ بلاول ڀٽو زرداري شامل آهن، صوبائي حڪومت کي ننڍي پيماني جي منصوبن کان اڳتي وڌڻ ۽ تبديل ڪندڙ انفراسٽرڪچر جي قدمن تي ڌيان ڏيڻ جي هدايت ڪئي هئي. هڪ اهم منصوبو جنهن تي غور ڪيو پيو وڃي، اهو ساحلي ضلعي ٺٽي ۾ ڪافي وقت کان انتظار ۾ رهيل ڪيٽي بندر گهري سمنڊ جو پورٽ آهي. وڏي وزير چيو ته صدر زرداري اڳ ۾ ئي چيني اسٽيڪ هولڊرز سان ان منصوبي تي خيالن جي ڏي وٺ ڪري چڪو آهي ۽ امڪاني سيڙپڪارن ۽ ڪمپنين سان مشاورت شروع ٿي چڪي آهي. هن چيو ته بندرگاهه کي پبلڪ پرائيويٽ پارٽنرشپ جي انتظام تحت ترقي ڏني ويندي، ۽ وفاقي حڪومت کي پڻ شرڪت جي دعوت ڏني ويندي. هن چيو اسان کي اسان جي قيادت پاران ڪيٽي بندر پورٽ اڏڻ جي هدايت ڪئي وئي آهي. اهو سنڌ ۽ پاڪستان جي سامونڊي معيشت لاءِ گيم چينجنگ منصوبو هوندو. پاڻي جي صورتحال ڏانهن موٽندي وڏي وزير سنڌ کي متاثر ڪندڙ شديد کوٽ تي ڳڻتي جو اظهار ڪيو. هن چيو ته صوبي کي هن وقت پنجاب جي 11 سيڪڙو جي مقابلي ۾ 30 سيڪڙو پاڻي جي کوٽ جو منهن ڏيڻو پئجي رهيو آهي جنهن کي هن سنڌ جي هارين سان سخت ناانصافي قرار ڏنو. وڏي وزير انڊس ريور سسٽم اٿارٽي (ارسا) تي صورتحال کي صحيح نموني پيش نه ڪرڻ جو الزام لڳايو هن چيو هيءَ کوٽ اسان جي هارين لاءِ سخت تڪليف جو سبب بڻجي رهي آهي. وڏي وزير چيو ته ڪراچي جي ڪافي وقت کان دير جو شڪار يونيورسٽي روڊ منصوبي تي ٽريفڪ جولاءِ جي آخر تائين بحال ڪئي ويندي،ان تي ٻيهر معذرت ڪريان ٿو هن اڳوڻي دير جو وڏو سبب ٺيڪيدار جي نااهلي کي قرار ڏنو. هن وڌيڪ چيو ته فرنٽيئر ورڪس آرگنائيزيشن کي ٺيڪو ڏيڻ کانپوءِ ترقي تيز ٿي وئي وڏي وزير چيو ته حڪومت بدعنواني خلاف قدم کڻي رهي آهي جتي بي ضابطگيون مليون آهن اتي ٺيڪا منسوخ ڪيا پيا وڃن ۽ ذميوارن کان وصوليون شروع ڪيون پيون وڃن. هن چيو ڪجهه خراب مڇين کي سڄي تلاءَ کي خراب ڪرڻ جي اجازت نه ڏني ويندي. پريس ڪانفرنس جي پڄاڻي ڪندي وڏي وزير ان افواهن کي رد ڪري ڇڏيو جيڪي سنڌ ۾ سياسي تبديلين بابت هيون، ايف بي آر ڪڏهن به پنهنجا هدف پورا ناهي ڪندي،
