پشاور(م ڊ) ڪي پي ۾ فارورڊ بلاڪ کي پروپيگنڊا قرار ڏيندي، خيبر پختونخواهه جي وڏي وزير سهيل آفريدي چيو ته هي پروپيگنڊا ان ڪري ڪئي وئي ته جيئن وفاقي بجيٽ ۾ هڪ ڀيرو ٻيهر عوام جو رت چوسيو وڃي. راولپنڊي ۾ ميڊيا سان ڳالهائيندي، خيبر پختونخواهه جي وڏي وزير چيو ته صرف پي ٽي آءِ جو باني ڪي پي ۾ پي ٽي  آءِ حڪومت کي ختم ڪري سگهي ٿو، جيستائين پي ٽي آءِ جي باني عمران خان جو نئون پيغام نه ايندو، مان وزير اعليٰ رهندس. سهيل آفريدي چيو ته عمران خان چيو هو ته جيڪڏهن سهيل آفريدي وزير اعليٰ بڻجي وڃي ته دنيا جي ڪا به طاقت کيس تبديل نه ڪري سگهي. توهان بجيٽ ڇو پاس ڪري رهيا آهيو؟ پهرين عمران خان سان ملو، عليمه خان پختونخواهه بجيٽ پاس ڪرڻ تي سهيل آفريدي کي خبردار ڪيو .بجٽ بابت ڳالهائيندي سهيل آفريدي چيو ته ڪي پي حڪومت ڪابينا مان بجيٽ پيپر پاس ڪيو آهي، اسان ڪو به اضافي بجيٽ نه ڏنو آهي، ڪي پي حڪومت کي عوام دوست بجيٽ پيش ڪرڻ گهرجي.

بلوچستان ۾ انٽيليجنس بيسڊ آپريشن، 17 دهشت گرد ماريا ويا

راولپنڊي(م ڊ) سيڪيورٽي فورسز بلوچستان جي مختلف علائقن ۾ انٽيليجنس بيسڊ آپريشن ڪيا آهن، جن ۾ 17 دهشتگردن کي ماريو ويو ويو آهي. پاڪ فوج جي ترجمان داري آءِ ايس پي آر موجب، سيڪيورٽي فورسز اهي آپريشن 24 مئي تي ٽرين واري واقعي کانپوءِ مستونگ، نوشڪي، زهري، خضدار ۽ ڪيچ جي ضلعن ۾ ڪيا. آءِ ايس پي آر موجب، دهشتگردن جي مارجڻ سان انهن علائقن ۾ دهشتگرد نيٽ ورڪ کي تمام گهڻو نقصان پهتو آهي. آءِ ايس پي آر موجب، مارجي ويل دهشتگردن جي قبضي مان هٿيار، وڏي مقدار ۾ بارودي مواد ۽ آءِ اي ڊيز هٿ ڪيون ويون آهن. آءِ ايس پي آر جو چون آهي ته دهشتگرد علائقي ۾ ڪيترن ئي مختلف واقعن ۾ ملوث هئا، هن وقت انهن علائقن ۾ ڪليئرنس آپريشن جاري آهن. آءِ ايس پي آر جو وڌيڪ چوڻ آهي ته ادارن جي ملڪ گير دهشتگردي جي خاتمي واري مهم ڀرپور نموني ۾ جاري رهندي ۽ ملڪ مان ٻاهرين حمايت يافته دهشتگردي جي خطري جو مڪمل خاتمو ڪيو ويندو.