لاهور (بيورو) وزيراعظم شهباز شريف سان وفاقي گهرو وزير محسن نقوي ملاقات ڪئي، جنهن ۾ ملڪ جي مجموعي سيڪيورٽي صورتحال ۽ امن امان جي قدمن تي تفصيلي غور ڪيو ويو، ملاقات دوران وفاقي گهرو وزير محسن نقوي وزيراعظم کي ملڪ اندر موجود سيڪيورٽي صورتحال بابت آگاهه ڪيو ۽ ان سلسلي ۾ کنيل قدمن جي تفصيل پڻ پيش ڪئي، گهرو وزير پاڪستان سپر ليگ (پي ايس ايل) جي فائنل ميچ جي حوالي سان سيڪيورٽي ۽ ٻين انتظامن بابت به وزيراعظم کي بريفنگ ڏني ۽ تيارين جي مڪمل صورتحال کان آگاهه ڪيو، ان موقعي تي وزيراعظم شهباز شريف پي ايس ايل فائنل لاءِ رانديگرن، شوقينن ۽ شهرين جي حفاظت کي يقيني بڻائڻ ۽ بهترين انتظامات ڪرڻ جي هدايت ڪئي.
