لاهور (ويب ڊيسڪ) پاڪستان ڪرڪيٽ بورڊ (پي سي بي) نشي واري شئي واپرائڻ تي ٽيسٽ مثبت اچڻ کانپوءِ آل رائونڊر محمد نواز خلاف جاچ جو فيصلو ڪيو آهي.
ڪرڪيٽ ويب سائيٽ ڪرڪ انفو جي رپورٽ موجب، محمد نواز جو ٽيسٽ ٽي ٽوئنٽي ورلڊ ڪپ دوران مثبت آيو هو، آءِ سي سي ان حوالي سان پي سي بي کي آگاهه ڪري ڇڏيو آهي.
رپورٽ موجب، آءِ سي سي طرفان ڄاڻ ملڻ کانپوءِ پي سي بي معاملي جي جاچ شروع ڪري ڇڏي آهي.
رپورٽ ۾ اِهو به چيو ويو آهي ته ٽيسٽ ۾ محمد نواز تي ريڪرييشنل ڊرگ (نشي واري شئي) استعمال ڪرڻ ثابت ٿي ويو آهي، پي سي بي محمد نواز خلاف جاچ بابت اڄ آءِ سي سي کي آگاهه ڪندو.
ياد رهي ته محمد نواز اڄڪلهه پاڪستان سپر ليگ ۾ ملتان سلطانز جي نمائندگي ڪري رهيو آهي.
