نئين دهلي (ويب ڊيسڪ) سينيئر ڀارتي سياستدان ششي ٿرور مودي سرڪار جي مسلم مخالف بيانئي تي ڇتي تنقيد جو نشانو بڻايو آهي.
هڪ انٽرويو ۾ ششي ٿرور بالي ووڊ فلم ”امر اڪبر انٿوني“ جو حوالو ڏيندي نئين ۽ پراڻي ڀارت جي ڀيٽ ڪئي ۽ چيو ته ماضيءَ جي ڀارت ۾ انٽرٽينمينٽ ذريعي به محبت ۽ هم آهنگي کي هٿي ڏني ويندي هئي.
هن چيو ته ”امر اڪبر انٿوني“ جهڙين فلمن تي ٽيڪس ۾ رعايت ڏني ويندي هئي ته جيئن ٽڪيٽن جون قيمتون گهٽ رهن ۽ ماڻهو شوق سان اهڙيون فلمون ڏسن، پر هاڻي دور تبديل ٿي چڪو آهي ۽ اهڙين فلمن کي ٽيڪس رعايت ڏني پئي وڃي جن ۾ مسلمانن خلاف نفرت ڏيکاري وڃي ٿي.
ششي ٿرور هن رويي کي بيانئي ۽ قدرن ۾ وڏي تبديلي قرار ڏنو.
