ڪراچي (عوامي آواز رپورٽ) سوشل ميڊيا اسرائيلي اڪائونٽن پاران هڪ حيرت انگيز دعويٰ ڪئي پئي وڃي ته اسرائيلي انٽيليجنس اداري موساد جا انڊر ڪور ايجنٽ گذريل ڪجهه سالن کان ايران ۾ ڊاڪٽرن ۽ ڏندن جي ماهرن جي روپ ۾ ڪم ڪري رهيا هئا. دعويٰ موجب، ڏندن جي ماهرن ايراني فوجي عملدارن ۽ اعليٰ شخصيتن جي ڏندن جي چيڪ اپ دوران ڪيويٽيز جي فلنگ ۾ ڳجهيون ٽريڪنگ ڊوائيسون لڳايون. ڏندن جي ماهرن سان گڏ گيسٽرو جي ڊاڪٽرن پڻ پنهنجن مريضن جي جسم ۾ اهڙيون ئي ڊوائسون لڳايون. ان نظام ذريعي موساد کي ايراني قيادت، انهن جي گهرڀاتين ۽ اعليٰ فوجي عملدارن جي صحيح لوڪيشن جي خبر هئي. دعويٰ ڪئي وئي آهي ته اسرائيلي حملي جي پهرين ڪجهه لمحن ۾ ئي انهن ڊوائيسز جي مدد سان 400 کان وڌيڪ اعليٰ سرڪاري ۽ فوجي اهلڪارن کي نشانو بڻائي ختم ڪيو ويو.
