سڊني (ويب ڊيسڪ) ايشز سيريز کان ڪجهه ڏينهن اڳ ميزبان آسٽريليا جا ٻه اهم بالر انجريءَ جو شڪار ٿي ويا آهن.
پرڏيهي ميڊيا موجب، بالر جوش هيزل ووڊ ۽ شان ايبٽ انجري مسئلن کي منهن ڏئي رهيا آهن.
ميڊيا رپورٽن موجب، نو ڏينهن کانپوءِ انگلينڊ ۽ آسٽريليا جي وچ ۾ تاريخي ايشز سيريز شروع ٿيڻ واري آهي ۽ هن صورتحال ۾ آسٽريليا کي فاسٽ بالرن جي غير موجودگي جو خدشو آهي.
جوش هيزل ووڊ ۽ شان ايبٽ جي غير موجودگي ۾ فاسٽ بالر برينڊن ڊوجيٽ لاءِ آسٽريلوي ٽيم جا در کلي سگهن ٿا.
واضح رهي ته ٻئي فاسٽ بالر سڊني ۾ شيفلڊ شيلڊ ميچ دوران فٽنيس مسئلن جو شڪار ٿيا هئا، ۽ مانجهاندي جي وقفي کان پوءِ فيلڊنگ لاءِ نه آيا هئا.
ان کانپوءِ ڪرڪيٽ نيو سائوٿ ويلز تصديق ڪئي هئي ته فاسٽ بالرز جو معائنو جاري آهي.
