اسلام آباد (ويب ڊيسڪ) پاڪستان ٽيليويزن (پي ٽي وي) جي بيٽر محمد شهزاد پريزيڊنٽ ٽرافي گريڊ ون جي ٽئين رائونڊ ۾ شاندار بيٽنگ ڪندي پاڪستاني فرسٽ ڪلاس ڪرڪيٽ ۾ تيز ترين سينچري جو نئون رڪارڊ قائم ڪري ڇڏيو.
اسلام آباد جي ڊائمنڊ ڪرڪيٽ گرائونڊ ۾ ڪنگز مين اڪيڊمي خلاف ميچ دوران محمد شهزاد جارحاڻي انداز اختيار ڪندي رڳو 49 بالن تي سينچري مڪمل ڪئي.
ان کان اڳ پاڪستاني فرسٽ ڪلاس ڪرڪيٽ ۾ تيز ترين سينچري جو رڪارڊ اڳوڻي قومي ڪپتان مصباح الحق وٽ هو، جنهن 2014ع ۾ آسٽريليا خلاف 56 بالن تي سينچري اسڪور ڪئي هئي.
محمد شهزاد پنهنجي رڪارڊ ساز اننگز دوران 12 چوڪا ۽ 8 ڇڪا هنيا، هن 62 بالن تي 114 رنسون ٺاهيون.
اها محمد شهزاد جي فرسٽ ڪلاس ڪرڪيٽ ۾ ڇهين سينچري آهي، جڏهن ته 49 بالن تي مڪمل ڪيل سينچري عالمي فرسٽ ڪلاس ڪرڪيٽ جي تيز ترين سينچرين ۾ اٺين نمبر تي شمار ٿئي ٿي.
