حيدرآباد(پ ر) قومي عوامي تحريڪ جي سربراھ اياز لطيف پليجي چيو آهي ته پيپلز پارٽي چاھي ٿي ته سنڌ جا ماڻھو بيدار نه ھجن. ھاري ڪارڊ سياسي مقصدن لاءِ استعمال ڪيا ويندا ۽ لکين ماڻھن کي فقير بنائي انھن جي توھين ۽ تذليل ڪئي ويندي. سنڌ حڪومت ھارين کي خيرات بدران بنيادي حق ڏئي. ھارين ۽ مزدورن جي ٻارن کي اسڪالرشپ ڏئي اعلي تعليم جا موقعا ڏنا وڃن. پيپلز پارٽي حڪومت زراعت جي بحالي نٿي چاھي.هن چيو ته سنڌ ۾ جيڪي به وڏا فصل لھن ٿا انھن جا اگھه ڪيرايا وڃن ٿا. زرعي سڌارن سان سنڌ ۾ خوشحالي ۽ ترقي ايندي. ھوڏانھن قومي عوامي تحريڪ حيدرآباد ضلعي طرفان مرڪزي اڳواڻ ايڊووڪيٽ زاھد ڀنڀرو، ضلعي صدر نظير بليدي، بابو رفيق ميمڻ ۽ معشوق چانڊيو ۽ ٻين جي اڳواڻي ۾ تعلقي قاسم آباد ۾ وڌندڙ ڊينگي ۽ مڇرن جي آزار خلاف, پنھنجي مدد پاڻ تحت مڇر مار اسپري مهم جو باقاعدي آغاز ڪيو ويو
