ڪراچي (رپورٽر) آل سنڌ لائرز ايڪشن ڪميٽي وزيراعليٰ پنجاب مريم نواز جي سنڌو درياهه بابت بيان جي سخت مذمت ڪندي چيو آهي ته اهو بيان چڙ ڏياريندڙ، غير ضروري ۽ آئين سان ٽڪراءُ آهي. آل سنڌ لائرز فورم موجب سنڌو درياهه ڪنهن هڪ صوبي جو نه آهي، مريم نواز کي فوري طور بيان واپس وٺڻ گهرجي، ٻي صورت ۾ ٻين بار ڪائونسلن سان صلاح مشوري بعد ملڪ گير احتجاج ڪيو ويندو. وڪيل برادري واضح ڪيو ته سنڌو درياهه تي غير آئيني دعويٰ ڪنهن به صورت ۾ قبول نه ڪئي ويندي.
