حيدرآباد: ڪانفرنس ۾ ٻيلن جون زمينون ڪارپوريٽ فارمنگ تحت ڪمپنين حوالي ڪرڻ کي ماحول دشمن، انسان دشمن عمل قرار ڏيندي مطالبو ڪيو ويو ته ٻيلن جون زمينون ڪارپوريٽ فارمنگ تحت ڪمپنين کي ڏيڻ بدران هنگامي بنيادن تي ٻيلا بحال ڪيا وڃن. ڪانفرنس ۾ سنڌو درياهه ۾ ڊيلٽا تائين پاڻي جو ڇوڙ روڪي ڊيلٽا کي تباهه ڪرڻ واري وفاقي سرڪار، ارسا ۽ اسٽيبلشمينٽ جي عمل جي مذمت ڪندي مطالبو ڪيو ويو ته ڊيلٽا جي تباهي ڪري متاثر ٿيندڙ رهواسين کي معاوضا ڏئي سندن ٻيهر آبادڪاري جي لاءِ انتظام ڪيا وڃن،
