ٽوڪيو (ويب ڊيسڪ) اولمپڪ گولڊ ميڊلسٽ ارشد نديم ورلڊ اٿليٽڪس چيمپيئن شپ جي جيولن ٿرو ايونٽ جي فائنل لاءِ ڪواليفاءِ ڪري ورتو.
ٽوڪيو ۾ جاري ورلڊ اٿليٽڪس چيمپيئن شپ ۾ جيولن ٿرو جي مقابلي ۾ ارشد نديم جي شروعات سٺي نه رهي، پهرين ڪوشش ۾ هن 76.99 ميٽر ٿرو ڪيو، جڏهن ته ٻي ڪوشش به غير متاثر ڪندڙ رهي ۽ رڳو 74.17 ميٽر ٿرو ڪري سگهيو، پر ٽين ڪوشش ۾ شاندار واپسي ڪئي.
ٽين ڪوشش ۾ ارشد نديم 85.28 ميٽر ٿرو ڪيو، جنهن کيس سڌو فائنل ۾ پهچائي ڇڏيو.
فائنل ۾ سڌي ريت پهچڻ لاءِ گهٽ ۾ گهٽ 84.50 ميٽر ٿرو ڪرڻي هئي، جيڪا ارشد نديم ٽين ڪوشش ۾ مڪمل ڪري ڇڏي.
گرينيڊا جي اينڊرسن پيٽرز 89.53 ميٽر، جرمني جي جوليئن ويبر 87.21 ميٽر، ڪينيا جي جوليئس يگو 85.96 ميٽر ۽ پولينڊ جي ڊاوڊ ويگنر 85.67 ميٽر ٿرو ڪندي فائنل لاءِ ڪواليفاءِ ڪيو.
ڀارتي رانديگر نيرج چوپڙا 84.85 ميٽر ٿرو ڪري سگهيو ۽ ارشد نديم کان هڪ پوزيشن هيٺ رهيو.
مجموعي طور تي 12 رانديگر فائنل لاءِ ڪواليفاءِ ڪري چڪا آهن، جڏهن ته ايونٽ جو فائنل خميس ڏينهن کيڏيو ويندو.
