اسلام آباد (ويب ڊيسڪ) بنگلاديش پاڪستان ۾ ٻوڏ سبب ٿيندڙ جاني ۽ مالي نقصان تي افسوس جو اظهار ڪندي امداد جي آڇ ڪئي آهي.
بنگلاديش جي مذهبي معاملن بابت صلاحڪار اي ايف ايم خالد حسين وزيراعظم شهباز شريف سان ملاقات ڪئي ۽ چيف ايڊوائيزر محمد يونس جو خط سندس حوالي ڪيو.
پاڪستان ۾ بنگلاديش جو هاءِ ڪمشنر محمد اقبال حسين خان به ان ملاقات ۾ موجود هو.
بنگلاديش جي صلاحڪار پاڪستان ۾ ٻوڏ سبب ٿيندڙ جاني ۽ مالي نقصان تي افسوس جو اظهار ڪيو ۽ پاڪستان کي امداد جي آڇ پڻ ڪئي.
ملاقات ۾ ٻنهي ملڪن جي لاڳاپن جي موجوده رفتار برقرار رکڻ لاءِ اعليٰ سطحي دورن تي اتفاق ڪيو ويو، ان کانسواءِ ٻنهي ملڪن ۾ سڌي ريت اڏامن جي جلد بحالي جي معاملن تي به غور ويچار ڪيو ويو.
بنگلاديشي صلاحڪار وزيراعظم شهباز شريف کي بنگلاديش جي دوري جي دعوت پڻ ڏني.
