ٽڪ ٽاڪر مخدوم جنيد جاني ڪراچي مان گرفتار

ڪراچي (رپورٽر ) مشهور ٽڪ ٽاڪر مخدوم جنيد کي ڪراچي مان گرفتار ڪيو ويو، اين سي سي آءِ اي سکر جي گرفتاري کان بچڻ لاءِ عورتن کي سامهون آندو، واقعو سهراب ڳوٺ کان ڪراچي يونيورسٽي جي رستي تي پيش آيو. اين سي سي آءِ اي سکر جي ٽيم جوابدار ٽڪ ٽاڪر مخدوم جنيد کي گرفتار ڪرڻ لاءِ ڪراچي پهتي هئي. ملزم تي الزام آهي ته هن درخواست گذار کي هني ٽريپ استعمال ڪندي بليڪ ميل ڪيو. جڏهن اين سي سي آءِ اي ٽيم جوابدار مخدوم جنيد کي گرفتار ڪرڻ لاءِ پهتي ته عورت مائٽن مزاحمت ڪئي، جنهن جي فوٽيج سوشل ميڊيا تي پڻ وائرل ٿي رهي آهي. فٽيجز ۾ انسپيڪٽر الفت سوڊر پنهنجي ٽيم سان گڏ ابوالحسن اصفهاني روڊ تي پهتو. مخبر جي اطلاع تي جيئن ئي ايف آءِ اي آفيسر پهتو ته جوابدار ڀڄڻ لڳو، جوابدار عورت مائٽن کي ڪپڙا لاهڻ لاءِ چيو ۽ لائيو وڊيو تي آيو. عورت مائٽن پنهنجا ڪپڙا لاهي روڊ تي ٽڪ ٽاڪر جي پٺيان هلڻ شروع ڪيو. پوليس اختيارين جو چوڻ آهي ته اين سي سي آءِ اي ويجهي سچل پوليس ٿاڻي جي موبائل کي به اين سي سي آءِ اي جي  مدد لاءِ پڻ چيو ويو. راجپوت اسپتال جي ويجهو ٽِڪ ٽاڪر مخدوم جنيد ايف آءِ اي تي حملو ڪيو. جوابدار قصائي جو چاقو کڻي ايف آءِ اي آفيسر تي وار ڪيو. ايف آءِ اي آفيسر تيز هٿيار سان سخت زخمي ٿي پيو. پوليس جو چوڻ آهي ته اين سي سي آءِ اي فوري طور تي جوابدار کي گرفتار ڪري ورتو، جڏهن ته عورت فهميده مخدوم، غزالا ۽ ڀاڻيجي ڪائنات کي به گرفتار ڪيو ويو آهي. ايف آءِ اي چئن ئي جوابدارن کي گڏ کڻي ڪراچي آفيس لاءِ روانو ٿي وئي. اين سي آءِ اي اختيارين جو چوڻ آهي ته مدعي جي مطابق ريشما نالي هڪ عورت هن سان دوستي ڪئي هئي ۽ هن سان فون تي ڳالهايو هو. ملزم مخدوم جنيد هڪ ايڊٽ ٿيل اعتراض جوڳي وڊيو موڪلي ۽ پئسن جو مطالبو ڪيو. ملزم ٽِڪ ٽاڪر مخدوم جنيد متاثر کان 44 لک رپيا به ڀنگ ورتو هو. جوابدار متاثر کان وڌيڪ 70 لک رپيا گهريا ۽ جڏهن کيس نه ملڻ تي قابل اعتراض وڊيو ليڪ ڪري ڇڏي.

• جاني جنيد خلاف درخواست شڪارپوري کٽاڻ جي واپاري ڏني

شڪارپور (رپورٽ: زاهد سنجراڻي) شڪارپور ۾ کٽاڻ جي واپاري جي پوٽي صبور ميمڻ کي بليڪ ميل ڪندڙ جاني جنيد کي ڪراچي مان گرفتار ڪيو ويو. رپورٽن موجب ايف آءِ اي سرڪل سکر کي بليڪ ميلنگ بابت درخواست واپاري مولا بخش ميمڻ جي پوٽي صبور ميمڻ ڏني هئي. صبور ميمڻ کان هڪ هفتي ۾ مختلف اڪائونٽن ذريعي 44 لک رپيا ورتا ويا ۽ وڌيڪ  رقم نه ڏيڻ تي غير اخلاقي وڊيو ليڪ ڪرڻ جي ڌمڪيون ڏنيون ويون. معاملو فيس بڪ ميسنجر تي ريشما نالي عورت سان رابطو ٿيڻ کان پوءِ شروع ٿيو، جنهن واٽس ايپ تي وڊيو ڪال ڪري بليڪ ميل ڪيو. رقم يو بي ايل، ميزان بينڪ ۽ ايزي پيسا اڪائونٽن ذريعي منتقل ٿي. ذريعن موجب ميمڻ خاندان ٽن ڏينهن بعد پريس ڪانفرنس ۾ وڌيڪ ثبوت ميڊيا آڏو رکندو.