اسلام آباد (ويب ڊيسڪ) وفاقي ڪابينا حج پاليسي 2026 جي منظوري ڏئي ڇڏي.
وزيراعظم شهباز شريف جي صدارت هيٺ وفاقي ڪابينا جو اجلاس ٿيو، جنهن ۾ حج پاليسي 2026 جي منظوري ڏني وئي.
ذريعن موجب وفاقي ڪابينا حج لاءِ سرڪاري ڪوٽا 70 سيڪڙو ۽ پرائيويٽ ڪوٽا 30 سيڪڙو ڪري ڇڏي، 2026 ۾ سرڪاري حج ساڍا 11 لک کان ساڍا 12 لک تائين هوندو.
ذريعن جو چوڻ آهي ته مذهبي معاملن واري وزارت سرڪاري ڪوٽا 60 سيڪڙو ۽ پرائيويٽ 40 سيڪڙو ڪرڻ جي سمري موڪلي هئي پر وزيراعظم سرڪاري ڪوٽا 70 سيڪڙو ۽ پرائيويٽ 30 سيڪڙو ڪئي آهي.
