لاهور(بيورو)جماعت اسلامي پاڪستان جي امير حافظ انجنيئر حافظ نعيم الرحمان چيو آهي ته ملڪ جي مسئلن جي حل لاءِ وڌيڪ ڳالهيون وقت جي ضرورت آهي. جڏهن به آئيني حدون پار ڪيون ويون ته ملڪ ۾ بدامني وڌي وئي ۽ مسئلا وڌي ويا.لاهور ۾ تحريڪ انصاف جي اڳواڻ ميان محمد اظهر جي وفات تي تعزيت ڪرڻ کان پوءِ اڳوڻي وفاقي وزير حماد اظهر سان گڏ ميڊيا سان ڳالهائيندي حافظ نعيم الرحمان چيو ته اصولن کي ذهن ۾ رکڻ گهرجي، آئين ۾ هر پارٽي، برادري ۽ اداري لاءِ هڪ فريم ورڪ آهي، ۽ هر ڪنهن کي انهن حدن اندر ڪم ڪرڻ گهرجي. هن چيو ته سڀني کي سوچڻ گهرجي ته ڇا ملڪ کي هن طرح هلائڻ ڏنو وڃي يا گڏجي ويهڻ سان مسئلا حل ٿين، ان موقعي تي جماعت اسلامي جو نائب امير لياقت بلوچ، سيڪريٽري جنرل امير العظيم ۽ لاهور جو امير ضياءُ الدين انصاري به موجود هئا.
