لاهور(م ڊ) واپڊا چيئرمين نويد اصغر چوڌري انڪشاف ڪيو آهي ته ڀارت طرفان پاڪستان جو پاڻي بند ڪرڻ جون سنگين ڌمڪيون ڏنيون پيون وڃن، جنهن سبب پاڪستان اڳواٽ حفاظتي تياريون شروع ڪري ڇڏيون آهن، هڪ انٽرويو ۾ هن چيو ته چناب درياءُ تي پاڻي محفوظ ڪرڻ لاءِ هڪ نئون ڊيم تعمير ڪيو ويندو، ته جيئن ڀارت جي ممڪن آبي حملي جو مؤثر جواب ڏئي سگهجي، هي ڊيم ضلعي چنيوٽ ويجهو تعمير ڪيو ويندو، جنهن جو مقصد رڳو پاڻي جو ذخيرو وڌائڻ نه پر قومي آبي سلامتي کي به يقيني بڻائڻ آهي، موجوده علائقائي حالتن کي نظر ۾ رکندي ڊيمز جي تعمير هاڻ بلڪل اڻٽر ٿي چڪي آهي.
