قاضي احمد (رپورٽ: مومن جوڻو ) سنڌ يونائيٽيڊ پارٽي جي مرڪزي وقتي صدر روشن علي ٻرڙو مرڪزي نائب صدر عارف نياز آرائين، ضلع صدر زين ڀٽو سان گڏ قاضي احمد ۾ پريس ڪانفرنس ڪندي چيو ته مورو واقعي جي ٻن شھيدن زاھد علي ۽ عرفان لغاري جا قاتل گرفتار نه ڪرڻ، پوليس پاران خوف پکيڙڻ ۽ ڪارپورٽنگ فارمنگ خلاف اڄ مورو ۾ احتجاجي ريلي ڪڍي ويندي، هن چيو ته سنڌ حڪومت جي سنڌ دشمن پاليسين سبب سڄي سنڌ پريشان بڻيل آهي، پ پ مخالف ماڻهن خلاف رڻ ٻاري ڇڏيو آهي جنهن جي جيتري مذمت ڪجي اھا گھٽ آهي، ان ظلم خلاف پر امن جدوجهد ڪري ھر ظالم جو مقابلو ڪنداسين.
