ڪراچي(عوامي آواز نيوز) ڪراچي چيمبر آف ڪامرس جي صدر جاويد بلواڻي جو چوڻ آهي ته سنڌ ۾ ڪئنالن خلاف ڌرڻن سبب 5 سئو ارب رپين جو نقصان ٿيو آهي، ايڪسپورٽ ۽ مقامي پيداوار کي ڌڪ رسيو آهي، روڊن تي گاڏيون ڦاٿل هجڻ ڪري ڪيترائي قرباني جا جانور مري چڪا آهن، عالمي خريدار ٻين ملڪن کان مال خريدڻ تي مجبور آهن، ٽرانسپورٽ فوڊ ايسوسيئيشن جي صدر طارق گجر چيو ته سکر ۽ لاڙڪاڻي ڊويزن توڙي بهاولپور ۾ روڊن تي 10 کان 15 هزار ٽرالر، ٽرڪون ۽ آئل ٽينڪرز ڦاٿل آهن، انهن گاڏين ۾ قرباني جا جانور، ڀاڄيون، تيل، دوائون ۽ ٻيو سامان آهي.
