حب (يار محمد بروهي ) پاڪستان جي صوبي بلوچستان جي ضلعي حب جي رند بازار ۾ زيورن جي دڪان تي هٿياربندن جي فائرنگ ۾ 3 ڄڻا مارجي ويا، رپورٽ موجب حب جي ايس ايس پي سيد فضل بخاري ٻڌايو ته مارجي ويلن ۾ دڪان مالڪ خدا بخش، سندس پٽ شاهه رخ ۽ دڪان جو ملازم منظور شامل آهن، هن چيو ته فوتين جا لاش حب سول اسپتال منتقل ڪيا ويا ، ايس ايس پي وڌيڪ چيو ته پوليس واقعي جي جاچ ڪري رهي آهي ته اهو معلوم ڪيو وڃي ته واقعو ٽارگيٽ ڪلنگ جو واقعو آهي يا ڦر جو واقعو آهي.
