ڪراچي (ويب ڊيسڪ) مصطفيٰ قتل ڪيس ۾ ٻئي جوابدار شيراز بابت جاچ رپورٽ سامهون آئي آهي، جنهن ڇرڪائيندڙ۾ انڪشاف ڪيا ويا آهن.
جاچ رپورٽ موجب، جوابدار شيراز ۽ ارمغان ننڍپڻ جا دوست ۽ اسڪول ۾ گڏ پڙهندا هئا، اسڪول کانپوءِ هاڻي ڏيڍ سال اڳ ارمغان سان شيراز جي ٻيهر دوستي ٿي، ارمغان جي بنگلي تي شينهن جا ٽي ٻچا موجود هئا.
رپورٽ ۾ ڄاڻايو ويو ويو آهي ته ارمغان بنگلي تي اڪيلو رهندو هو ۽ ڪال سينٽر هلائيندو هو، ڪال سينٽر ۾ عورتن سميت 30 کان 35 ماڻهو ڪم ڪندا هئا، جوابدار شيراز موجب، ارمغان کي هٿيارن جو شوق هو.
رپورٽ موجب، مصطفيٰ عامر به ارمغان ۽ شيراز جو دوست هو، مصطفيٰ سان شيراز جي دوستي ارمغان وٽ ئي ٿي هئي، نيو ايئر نائيٽ ۾ ارمغان جي بنگلي ۾ پارٽي هئي پر مصطفيٰ نه آيو هو، 6 جنوري تي مصطفيٰ ڪال ڪري ارمغان جي بنگلي تي شيراز کي سڏايو، ٿوري دير کانپوءِ ارمغان مصطفيٰ کي گاريون ڏيڻ کانپوءِ ڏنڊي سان مارڻ شروع ڪيو، ارمغان مصطفيٰ کي مٿي ۽ گوڏن تي ڌڪ هنيا ته سندس رت وهڻ لڳو.
رپورٽ ۾ وڌيڪ چيو ويو آهي ته مصطفيٰ تي تشدد کانپوءِ ارمغان وري هڪ رائفل کنئي ۽ ڀت تي ٻه فائر ڪيا، ڌمڪائڻ کانپوءِ مصطفيٰ کي ان کي سندس ئي گاڏي ۾ بند ڪيو ويو، مصطفيٰ کي بلوچستان وٺي وڃي گاڏي سميت ساڙيو ويو.
رپورٽ ۾ اِهو به ڄاڻايو ويو آهي ته ارمغان جي گهر ۾ رت جا نشان نوڪرن کان صاف ڪرايا ويا، شيراز ٻڌايو ته مصطفيٰ جي ماءُ کي ڀنگ جي ڪال ڪنهن ڪئي ان جي کيس ڪا به ڄاڻ نه آهي.
