ڪنڌڪوٽ/غوثپور(رپورٽ: ممتاز سنڌي + عبدالجبار اوڳاهي)ڪنڌڪوٽ ۾ ڊاڪٽر ايسو سيئيشن پاران غوثپور جي ڊاڪٽر سندر داس جي ڪلينڪ تي ڌاڙيلن پاران راڪيٽ لانچر جو گولو ۽ ڀتي جي چٺي موڪلڻ واري عمل خلاف پريس ڪلب آڏو ڊاڪٽر ميھر چند،ڊاڪٽر نظير اعواڻ،ڊاڪٽر انيل ڪمار،ڊاڪٽر جئرام داس،ڊاڪٽر منصور مگسي،ڊاڪٽر اقرار جکراڻي، جماعت اسلامي جي ضلع امير غلام مصطفي ميراڻي جي اڳواڻي ۾ ڊاڪٽرن احتجاج ڪندي چيو آهي ته ڪنڌڪوٽ غوثپور ۾ ڌاڙيلن واپارين، دڪاندارن ۽ ڊاڪٽرن جو جيئڻ جنجال بڻائي ڇڏيو آھي پوليس ڪچي ۽ پڪي جي ڌاڙيلن خلاف ڪا به ڪارروائي نٿي ڪري هوڏانهن غوثپور ۾ ٽئين ڏينھن به صحافي برادري ۽ سول سوسائٽي پاران احتجاجي جلوس ڪڍي ڌرڻو هنيو ويو، جنھن سبب سنڌ کان پنجاب ويندڙ ٽريفڪ معطل ٿي وئي،جي يو آءِ اڳواڻ مولانا جمالدين، نارائڻ ناز،شير زمان بجاراڻي، صفي الله لاشاري، ظفر ڀيو، عبدالسميع بجاراڻي، طارق ڀيو، عبدالسبحان ملڪ، شبير احمد سولنگي، غلام محمد اوڳاهي چيو ته ٽي ڏينھن گذري وڃڻ باوجود ڪشمور پوليس ڀتا خور مافيا خلاف ڪابه ڪاروائي نه ڪئي آھي پوري ضلعي کي ڏوھارين حوالي ڪري عوام کي نڌڻڪو ڪيو ويو آھي.
