ميهڙ (رپورٽ: فراز چنا)ميھڙ ڀرسان راڌڻ ٿاڻي جي حد ڪوٺي کوکر واري علائقي ۾ زرعي زمين جي مالڪي تان جاري تڪرار تان ڀرٽ برادري جي ٻن ڌرين ۾ جھيڙو ٿي پيو ، جنھن دوران ھڪ ڌر جي ھٿياربندن فائرنگ ڪري ٻئي ڌر جي نوجوان مبين پٽ شمس الدين ڀرٽ کي قتل ڪري ڇڏيو جڏھن ته گوليون لڳڻ سبب صدام ڀرٽ زخمي ٿي پيو ڀرٽ برادري جي ٻن ڌرين ۾ زرعي زمين ۽ پاڻي جي واري تان ٿيل ڇڪتاڻ سبب قتل ٿيلن جو تعداد وڌي 2 ٿي ويو آھي،ھوڏانھن واقعي بعد پوليس پاران ھڪ ڌر جي گرفتاري لاءِ ڳوٺ تي چڙھائي ڪئي جنھن دوران ڳوٺاڻن پاران پوليس تي پٿراءُ ڪيو ويو جڏھن ته ڌرين ۾ فائرنگ دوران ھڪ واٽھڙو سڪندر لاکير زخمي ٿي پيو جنھن کي مقامي اسپتال آندو ويو زخمي جو چوڻ ھيو ته مان رستي سان اچي رھيو ھيس ته نامعلوم طرف کان گولي لڳي آھي
