سکر(رپورٽر) روھڙي جي شهدادو پاڙي ۾ موٽر سائيڪل سوار ٽن نامعلوم هٿياربندن انڌا ڌنڌ فائرنگ ڪري 35 ورهين جي ڪليم حيدر شاھه کي قتل ڪري فرار ٿي ويا، جنهن بعد پوليس ضروري ڪارروائي بعد لاش وارثن حوالي ڪيو، روھڙي ٿاڻي جي ايس ايڇ او ثناالله کونهارو ٻڌايو ته واقعي واري هنڌ تان هڪ پسٽل مليو آهي، ڪليم حيدر شاھه پنهنجي معصوم ٻارڙي کي اسڪول ڇڏڻ لاءِ آيو ته تاڙ ۾ بيٺل هٿياربندن فائرنگ ڪري کيس قتل ڪيو، ٻڌايو پيو وڃي ته زمين جي تڪرار تان هڪ سال اڳ ڳوٺ سيراهي ۾ جعفري برادري جا به ڄڻا قتل ٿيا هئا جنهن جو الزام مقتول جي پيءُ حيدر شاھ مٿان لڳو هو جنهن پلاند ۾ هٿياربندن ڪليم حيدر شاھ کي قتل ڪيو آهي، وارثن جو چوڻ آهي ته اسان جو نوجوان بيگناھ قتل ڪيو ويو آهي،انصاف ڪيو وڃي.
