دبئي/ اسلام آباد (م ڊ/ بيورو) وزيراعظم شهباز شريف چيو آهي ته اهو خدشو ختم ٿي ويو ته بجلي اگهن ۾ گهٽتائي تي آءِ ايم ايف نه مڃيندو، ڇو ته آءِ ايم ايف سربراهه چيو آهي ته پاڪستان بجلي اگهن ۾ گهٽتائي جو پلان کڻي اچي، ضرور غور ڪيو ويندو. وفاقي ڪابينا اجلاس ۾ خيالن جو اظهار ڪندي وزيراعظم شهباز شريف چيو ته دبئي ۾ آءِ ايم ايف ايم ڊي سان ملاقات ٿي، جنهن ۾ ان سان پاور سيڪٽر تي ڳالهه ٻولهه ٿي، کيس چيو ته صنعتون تڏهن هلنديون ۽ گروٿ تڏهن ٿيندي جڏهن ڪوسٽ آف پروڊڪشن گهٽ هوندي، ان تي آءِ ايم ايف ايم ڊي هاڪاري جواب ڏنو. هن چيو اهو خدشو ختم ٿي ويو ته بجلي اگهن ۾ گهٽتائي تي آءِ ايم ايف نه مڃيندو، آءِ ايم ايف سربراهه چيو آهي ته پاڪستان بجلي اگهن ۾ گهٽتائي جو پلان کڻي اچي، ضرور غور ڪيو ويندو. سندس چوڻ هو ته آءِ ايم ايف موجوده حڪومت جي ڪارڪردگي کي ساراهيو آهي، جنهن تي حڪومتي ٽيم مبارڪباد جي حقدار آهي. هن چيو ته سعودي عرب پاڪستان جو بهترين برادر ملڪ ۽ بااعتماد پارٽنر آهي ۽ پاڪستاني عوام ڪڏهن به سعودي عرب جي خودمختياري، سلامتي ۽ جاگرافيائي آزاديءَ کي ڇيهو رسائڻ نه ڏيندا. غزه جي صورتحال جو ذڪر ڪندي شهباز شريف چيو ته هن دبئي سمٽ ۾ فلسطين بابت پنهنجو موقف جامع انداز ۾ پيش ڪيو، 50 هزار فلسطيني شهيد ٿي چڪا آهن، نسل ڪشي جي ان کان وڌيڪ بدترين مثال ڪهڙي ٿي سگهي ٿي، اميد آهي ته غزه ۾ امن قائم ٿيندو. دبئي ۾ وزيراعظم شهباز شريف سان انٽرنيشنل مانيٽري فنڊ (آءِ ايم ايف) جي مئنيجنگ ڊائريڪٽر ڪرسٽالينا جارجيوا ملاقات ڪئي. اها ملاقات دبئي ۾ منعقد ٿيندڙ عالمي حڪومتن جي اجلاس 2025 جي موقعي تي ٿي. گڏيل پڌرائي موجب ڪرسٽالينا جارجيووا آءِ ايم ايف پروگرام تي پاڪستان جي موثر عملدرآمد جي ڪوششن کي ساراهيو. مئنيجنگ ڊائريڪٽر ڪرسٽالينا جارجيوا اعتراف ڪيو ته پاڪستان معاشي بحالي کانپوءِ ترقي جي راهه تي گامزن آهي. وزيراعظم چيو ته هن ڪالهه آءِ ايم ايف جي ايم ڊي سان ملاقات ڪئي ۽ هن چيو ته وزيراعظم جڏهن اسان جي فورم ۾ ان پروگرام تي ڳالهه ٻولهه ڪئي وئي ته ڪيتريون ئي ناڪاري ڳالهيون ڪيون ويون. اسان ڏٺو ته ماضي جون ڳالهيون ورجائي رهيون آهن، آءِ ايم ايف جي سربراهه چيو ته وزيراعظم اهو فيصلو ڪري رسڪ کنئي ۽ مان سمجهائڻ چاهيان ٿو ته ماضي ختم ٿي چڪو آهي ۽ هاڻي صورتحال مختلف آهي. وزيراعظم چيو ته مان ايم ڊي آءِ ايم ايف جو شڪريو ادا ڪيو ۽ چيو ته گڏجي مخالفن کي غلط ثابت ڪنداسين. وزيراعظم وڌيڪ چيو ته آءِ ايم ايف جي سربراهه پاڪستاني حڪومت جي تمام سٺي انداز ۾ تعريف ڪئي، مون گذريل ڪجهه سالن ۾ عالمي فورم جي سربراهه کان اهڙا لفظ نه ٻڌا آهن. وزيراعظم چيو ته مان ايم ڊي آءِ ايم ايف جو شڪريو ادا ڪيو ۽ چيو ته گڏجي مخالفن کي غلط ثابت ڪنداسين. وزيراعظم وڌيڪ چيو ته آءِ ايم ايف جي سربراهه پاڪستاني حڪومت جي تمام سٺي انداز ۾ تعريف ڪئي، مون گذريل ڪجهه سالن ۾ عالمي فورم جي سربراهه کان اهڙا لفظ نه ٻڌا آهن. ان موقعي تي وزيراعظم ناڻي واري وزير، واپار واري وزير سميت وفاقي ڪابينا جي ميمبرن کي شاندار لفظن ۾ مبارڪباد ڏني. ان موقعي تي وزيراعظم ناڻي واري وزير، واپار واري وزير سميت وفاقي ڪابينا جي ميمبرن کي شاندار لفظن ۾ مبارڪباد ڏني. وزيراعظم چيو ته آءِ ايم ايف جي سربراهه بجلي اگهن بابت تمام گهڻي هاڪاري ڳالهه ڪئي ۽ چيو ته توهان پنهنجو پلان آڻيو، مان ڳالهائڻ لاءِ تيار آهيان. ميان شهباز شريف چيو ته مون نائب وزيراعظم کي هدايت ڪئي آهي ته صوبن سان گڏ آءِ ايم ايف وٽ وڃو، هو ڳالهين لاءِ تيار آهن.
