اسلام آباد(م ڊ) سينيٽ جي اڳوڻي چيئرمين رضا رباني وفاقي حڪومت کان مطالبو ڪيو آهي ته عالمي مالياتي فنڊ (آءِ ايم ايف) جي ٽيڪنيڪل مشن جي ويزا منسوخ ڪري کيس واپس موڪليو وڃي. پنهنجي هڪ بيان ۾ رضا رباني چيو ته ڪو به خودمختيار ملڪ پرڏيهين کي پنهنجي عدالتي نظام جو معائنو ڪرڻ جي اجازت نٿو ڏئي سگهي. سينيٽ جي اڳوڻي چيئرمين چيو ته ناڻي واري وزير کي اهڙن شرطن تي دستخط ڪرڻ تي استعيفيٰ ڏيڻ گهرجي، وضاحت ڪري ته آءِ ايم ايف معاهدي کي پارليامينٽ ۽ عوام کان ڇو لڪايو ويو.
