اسلام آباد(آصف بشير چوڌري)فيڊرل پبلڪ سروس ڪميشن جو چيئرمين ليفٽيننٽ جنرل(ر)امجد ستي لڳل آهي،سي ايس ايس جي گذريل سال جو نتيجو اڃا ظاهر ناهي ٿيو،15 هزار شاگردن شاگردياڻين اهو امتحان ڏنو هو ۽ هڪ ٻيو نادر شاهي حڪم اچي ويو آهي ته 15 فيبروري تي هڪ نئون امتحان ٿيندو،38 شاگرد ٻيهر امتحان ڏئي رهيا آهن،انهن اسلام آباد هاءِ ڪورٽ ۾ پيٽيشن داخل ڪري ڇڏي، جنهن تي عدالت رٽائرڊ جنرل جي ڪاوڙ کي نظر ۾ رکي کين چيو ته توهان چيئرمين وٽ وڃي مسئلو حل ڪرايو،شاگرد جڏهن ايف پي ايس سي پهتا ته انتظاميا کين پٽيشن جو مهڻو ڏيندي ڳالهين کان بغير واپس موٽائي ڇڏيو،شاگرد ٻيهر عدالت پهچي ويا،هاءِ ڪورٽ سي ايس ايس امتحان جا نتيجا جاري نه ٿيڻ تي چيئرمين کي اڄ عدالت طلب ڪري ورتو،
