لاهور (ويب ڊيسڪ) ويسٽ انڊيز ڪرڪيٽ بورڊ پاڪستان خلاف وائيٽ بال سيريز جي شيڊول جاري ڪري ڇڏيو.
ڪرڪيٽ ويسٽ انڊيز 2025 سيزن لاءِ مردن ۽ عورتن جي ٽيمن جي شيڊيول جو اعلان ڪري ڇڏيو آهي.
جاري ڪيل شيڊيول موجب، پاڪستان ڪرڪيٽ ٽيم هلندڙ سال جولاءِ ۽ آگسٽ ۾ وائيٽ بال سيريز لاءِ ويسٽ انڊيز جو دورو ڪندي.
ٻنهي ٽيمن وچ ۾ ٽي ٽي ٽوئنٽي ۽ ٽي ون ڊي ميچن جي سيريز کيڏي ويندي.
شيڊيول موجب، ٽيئي ٽي ٽوئنٽي ميچون آمريڪا ۾ رٿيل آهن، جيڪي 31 جولاءِ، 2 آگسٽ ۽ 3 آگسٽ تي کيڏيون وينديون.
ان کانسواءِ، ٽي ون ڊي ميچن جي سيريز جي پهرين ميچ 8 آگسٽ تي، ٻي 10 آگسٽ تي، جڏهن ته سيريز جي ٽئين ۽ آخري ميچ 12 آگسٽ تي کيڏي ويندي.
