ميرپورماٿيلو ( رپورٽ: خالد وسير) اڳوڻي ايم پي اي شھريار خان شر مٿان حملي ۽ سندس ساٿي علي محمد شر قتل ڪيس جي ٻڌڻي ميرپورماٿيلو جي دهشتگردي جي انت واري عدالت ۾ ٿي ٻڌڻي دوران ڪيس جو جاچ آفيسر علي احمدهاليپوٽو، ڌرين جا وڪيل ۽ جوابدار احمد خان سيلرو ۽ ايس ايڇ او شڪور لاکو عدالت ۾ پيش ٿيا، ڪيس جي جاچ آفيسر ڪيس جو حتمي چالان عدالت ۾ پيش ڪندي جوابدار احمد خان سيلرو ۽ ايس ايڇ او شڪور لاکو خلاف حملي ۾ ملوث هجڻ جون ثابتيون نه ملڻ تي ٻنهي جوابدارن جا نالا ڪيس مان ڪالم 2 ذريعي ڪڍي ڇڏيا، فريادي ڌر جي وڪيل جا دليل ٻڌڻ بعد عدالت پوليس جاچ رپورٽ رد ڪندي جوابدار احمد خان سيلرو ۽ ايس ايڇ او شڪور لاکو جا نالا ڪيس ۾ جوابدار طور شامل ڪرڻ جو حڪم ڏيندي ڪيس جي ٻڌڻي 22 جنوري تائين ملتوي ڪري ڇڏي هوڏانهن ڪيس جي ٻڌڻي دوران سيڪيورٽي جا انتظام سخت ڪيا ويا هئا.
