اسلام آباد(م ڊ) مجلس وحدت مسلمين جي سربراهه علامه راجا ناصر عباس جعفري چيو آهي ته پاڪستان آئين جي بالادستي تحت ئي هلي سگهي ٿو، هن وقت پاڪستان ۾ معاشي، اخلاقي ۽ سياسي بحران آهي ۽ هن حڪومت جون مشڪلاتون هر گذرندڙ ڏينهن سان وڌي رهيون آهن. هن چيو ته سمورا ادارا تباهه ٿي ويا آهن، عدليه مفلوج ۽ عدليه جي آزادي سلب ڪئي وئي آهي. علامه راجا ناصر عباس جعفري چيو ته هن حڪومت عوام جو اعتماد وڃائي ڇڏيو آهي ۽ اسان جي دنيا ۾ ڪا به اهميت نه رهي آهي، هاڻي اسان جو ڀاءُ اسلامي ملڪ افغانستان کي دشمن بڻايو پيو وڃي اسان جو ڪلچر ساڳيو آهي، اسان دشمنيون ڇو پيدا ڪري رهيا آهيون؟
-
سياسي پارٽي تي گوليون هليون، وزيراعظم چوي ٿو ڪجهه ناهي: گنڊاپور
ڊيرا اسماعيل خان( م ڊ) خيبرپختونخواهه جي وڏي وزير علي امين گنڊاپور جو چوڻ آهي ته سياسي پارٽي تي گوليون هلايون ويون، ملڪ جو وزيراعظم چئي رهيو آهي ته ڪجهه ناهي ٿيو، جيڪڏهن جرگي ذريعي افغانستان سان مثبت ڳالهين جو اختيار ڏنو ويو ته هو مثبت ڪردار ادا ڪندا. اسلام آباد ۾ ميڊيا سان ڳالهائيندي خيبرپختونخواهه جي وڏي وزير علي امين گنڊاپور چيو ته ايپڪس ڪميٽي جو اجلاس اهم هو. وزيراعظم پاڻ 26 نومبر جي ڳالهه ڪئي. مون چيو ته 13 شهيد ۽ 58 زخمي آهن، جڏهن ته 45 اڃا تائين گم آهن. وزيراعظم جو اهو چوڻ نامناسب آهي ته فائرنگ نه ڪئي وئي. اهڙين شين کان پاسو ڪرڻ گهرجي.
-
ٽنڊي آدم ۾ ڪارروائي، 3 جوابدار گرفتار، ڪيس داخل
ٽنڊوآدم (ن ع آ)ٽنڊي آدم ۾ بي سيڪشن ٿاڻي جي ايس ايڇ او ڳجهي اطلاع تي ڪاروائي ڪندي پوليس جون ورديون پائي ڦرلٽ ڪندڙ گروھه جي 3 جوابدارن جعلي ايس ايڇ او غلام شبير آرائين، غلام نبي لغاري ۽ محمد جمن رند کي گرفتار ڪري ورتو جوابدارن جي قبضي مان هٿيار، موبائل فون ۽ هڪ ڪار هٿ ڪري ورتي آھي، پوليس موجب ڄاڻايل گينگ پوليس پارٽي ٺاهي ورديون پائي مختلف طريقن سان شهرين کان مختلف هنڌن تي ڦرلٽ ڪندا رهن ٿا۔ هنن جي وڌيڪ ساٿين جي گرفتاري لاءِ ڪوششون ڪيون پيون وڃن۔ گرفتار ڪيل جوابدارن مٿان ڪيس داخل ڪيو ويو آھي.
-
ڪنڌ ڪوٽ ۾ نوجوان جو زال سميت تحفظ لاءِ احتجاج
ڪنڌڪوٽ (ن ع آ) ڪنڌڪوٽ واسي نوجوان محمد علي گولاٽو ۽ لاهور واسڻ ناري معصوما ڪنڌڪوٽ صحافين وٽ تحفظ لاءِ پهچي ويا، ناري معصو ميڊيا سان ڳالهائيندي چيو ته اسان کي پنهنجي مائٽن مان جان کي خطرو آهي، منهنجا ماما ۽ چاچا ذيشان.اعجاز.خرم ڌمڪيون ڏين ٿا ۽ اسان کي خدشو آهي ته هو منهنجي مڙس کي ڪوڙي ڪيس ۾ ڦاسائي سگهن ٿا، ڊي آءِ جي ۽ ايس ايس پي تحفظ ڏئي.
