بڊاڻي (رپورٽ: مقبول مڙل) بڊاڻي ڀرسان مياڻي ٿاڻي جي حد ڳوٺ محمد مراد ڇڄڻ ۾ رات دير سان ڏوهارين کي ڀتو نه ملڻ تي ڏوهارين گهر تي حملو ڪري جديد هٿيارن سان فائرنگ ڪري ڏني گوليون لڳڻ سبب هڪ ڳوٺاڻو لعل بخش ڇڄڻ قتل ۽ ٻن عورتن سميت 4 ڄڻا سرداران خاتون ۽ ڏاڏي خاتون، قابل حسين ۽ اڪبر علي ڇڄڻ سخت زخمي ٿي پيا ڏوهاري هٿيارن جي زور تي گهر مان 6 مينهون به ڪاهي فائرنگ ڪندا آساني سان فرار ٿي ويا، هڪ ڪلاڪ گذرڻ بعد مياڻي پوليس واقعي واري هنڌ پهچي زخمين کي کڻائي اسپتال منتقل ڪيو، اهڙي واقعي بعد علائقي ۾ خوف ۽ حراس پکڻجي ويو آھي جڏهن ته واقعي جو ڪيس داخل نه ٿي سگهيو آھي.هوڏانهن رابطو ڪرڻ تي ايس ايڇ او مياڻي هدايت الله بجاراڻي ڳالهائيندي چيو ته قتل ٿي ويل جو ڪيس پڻ داخل ڪيو ويو آهي پوليس وڌيڪ جاچ ڪري رهي آهي جلد ملوث جوابدارن کي گرفتار ڪري متاثر ڌر سان انصاف ڪيو ويندو
