ڪراچي ( رپورٽر ) ڪراچي جي علائقي سرجاني ٽائون ۾ ڦر جو واقعو پيش آيو، جنهن جي نتيجي ۾ هڪ نوجوان قتل ٿي ويو. پوليس موجب مقتول جي سڃاڻپ 25 ورهين جي فيصل جي نالي سان ٿي آهي. مقتول جي ڀاءُ جو چوڻ هو ته اسان فيڪٽري ۾ ڪم ڪري رهيا هئاسين، اسان پگهار وٺي گهر وڃي رهيا هئاسين ته موٽرسائيڪل نه ڏيڻ تي جوابدارن اسان کان روڪ رقم ڦر ڪري فرار ٿي ويا ۽ منهنجي ڀاءُ تي فائرنگ ڪري ڏني. مقتول جي پيءُ رڙيون ڪندي چيو ته هٿياربندن ٻن ڀائرن مان 80 هزار روڪ ڦر ڪئي ۽ موٽرسائيڪل نه ڏيڻ تي منهنجي پٽ کي گوليون هڻي قتل ڪري ڇڏيو آهي، لاڳاپيل اختيارين کي گهرجي ته ڪارروائي ڪرڻ جوابدارن کي ڪيفرڪردار تائين پهچايو وڃي.
