اسلام آباد (ويب ڊيسڪ) عالمي مارڪيٽ ۾ ڪچي تيل جو اگهه گهٽجڻ سبب پاڪستان ۾ هڪ ڀيرو ٻيهر پيٽروليم شين جي اگهن ۾ لاٿ جو امڪان آهي.
ذريعن موجب پهرين آڪٽوبر کان 15 ڏينهن لاءِ پيٽروليم شين جي اگهن ۾ 3 رپين تائين لاٿ جو امڪان آهي.
ذريعن جو چوڻ آهي ته پيٽرول هڪ رپيو في ليٽر سستو ٿي سگهي ٿو، جڏهن ته پيٽرول جو اگهه برقرار به رکي سگهجي ٿو.
ذريعن موجب ڊيزل جي قيمت ۾ 3 رپيا في ليٽر تائين لاٿ ٿي سگهي ٿي، اگهن جي حوالي سان حتمي اعلان 30 سيپٽمبر تي ڪيو ويندو، ناڻي واري وزارت وزيراعظم سان مشاورت کانپوءِ حتمي اعلان ڪندي.
