لنڊن ( ويب ڊيسڪ ) انگلش ڪرڪيٽ بورڊ پاڪستان خلاف ٽن ٽيسٽ ميچن تي ٻڌل سيريز لاءِ 17 رڪني اسڪواڊ جو اعلان ڪري ڇڏيو.
انگلينڊ ڪرڪيٽ ٽيم ايندڙ مهيني ٽن ٽيسٽ ميچن جي سيريز لاءِ پاڪستان جو دورو ڪندي، انگلينڊ ڪرڪيٽ بورڊ طرفان ٽيسٽ اسڪواڊ جو اعلان ڪيو ويو آهي.
اي سي بي طرفان اعلانيل ٽيسٽ اسڪواڊ ۾ بين اسٽوڪس( ڪپتان ) اولي اسٽون، اولي پوپ، بين ڊڪيٽ، جورڊن ڪوز، زيڪ ڪرائولي، ڪرس ووڪس، جيمي سمٿ، بريڊن ڪريز شامل آهن.
ان کانسواءِ هيري بروڪ، جوئي روٽ، ميٿيو پوٽس، شعيب بشير، گوس اٽڪنسن، ريحان احمد، جيڪ ليچ، جوش هُل به ٽيسٽ اسڪواڊ جو حصو آهن.
