ڪراچي ( رپورٽر ) صدر آصف علي زرداري ملڪ جي سامونڊي حدن جي حفاظت لاءِ مضبوط نيوي جي ضرورت تي زور ڏيندي چيو آهي ته پاڪستان جي جيو-اڪنامڪ مفادن جي تحفظ لاءِ پاڪ بحريه کي مضبوط ڪرڻ جي ضرورت آهي. ڪراچي ۾ پاڪستان نيوي جي فليٽ ۾ پي اين ايس بابر ۽ حنين جي شموليت جي تقريب کي خطاب ڪندي صدر آصف علي زرداري پي اين ايس بابر ۽ حنين جي پاڪستان نيوي جي بيٽ ۾ شامل ٿيڻ تي ڀليڪار ڪئي. هن چيو ته ٻئي جهاز پاڪستان نيوي کي پنهنجون وڌندڙ آپريشنل ذميواريون پوريون ڪرڻ ۾ مدد ڪندا. صدر چيو ته جهاز ۾ پي اين ايس بابر ۽ حنين جو اضافو ملڪي بحري دفاعي صلاحيتن کي مضبوط ڪرڻ جي حوالي سان هڪ اهم ڪاميابي آهي، جهازن سان روايتي ۽ غير روايتي خطرن کي منهن ڏيڻ لاءِ نيوي جي آپريشنل تيارين ۾ اضافو ٿيندو. هن چيو ته جهاز ترڪي سان اسان جي مضبوط دوستي جي علامت آهن، رومانيا ۾ ڊچ شپ يارڊ تي اعتماد آهي، ملڪ جي سامونڊي سرحدن جي حفاظت لاءِ جهازن جي بحري فوج جي صلاحيت ۾ وڌيڪ اضافو ٿيندو. هن ميري ٽائيم سيڪيورٽي، علائقائي استحڪام، سامونڊي رستن جي تحفظ ۾ پاڪستان نيوي جي ڪردار کي ساراهيو ۽ چيو ته پاڪستان نيوي سامونڊي واپار جي مسلسل ترسيل کي يقيني بڻائي رهي آهي. صدر چيو ته پاڪ بحريه ملڪ جي سامونڊي سرحدن جو دفاع ڪري رهي آهي ۽ هن پاڪستان جي خودمختياري، امن، خوشحالي ۽ استحڪام برقرار رکڻ ۽ مادر وطن جي هر قيمت تي دفاع جي عزم کي ورجايو. تقريب کي پاڪ بحريه جي سربراهه ايڊمرل نويد اشرف پڻ خطاب ڪيو ۽ چيو ته پاڪستان نيوي جي فليٽ ۾ جهازن جي شموليت هڪ اهم سنگ ميل آهي. تقريب ۾ ترڪي جي ڊپٽي نيشنل ڊفينس بلال بردلي، چيئرمين جوائنٽ چيفس آف اسٽاف ڪميٽي جنرل ساحر شمشاد مرزا، چيف آف دي نيول اسٽاف ايڊمرل نويد اشرف، تعميراتي يارڊز جي سينيئر نمائندن، هٿياربند فوج جي اعليٰ عملدارن ۽ سياسي قيادت شرڪت ڪئي.
