لاهور (م ڊ) ڪائونٽر ٽيررازم ڊپارٽمينٽ(سي ٽي ڊي) پنجاب القاعده جي اڳوڻي سربراهه اسامه بن لادن جي ويجهي ساٿي کي گرفتار ڪري ورتو آهي.سي ٽي ڊي جي ترجمان موجب انتهائي گهربل دهشتگرد کي انٽيليجنس ڄاڻ جي آڌار تي آپريشن کان پوءِ گرفتار ڪيو ويو آهي. سي ٽي ڊي پنجاب جي ترجمان ٻڌايو ته گرفتار دهشتگرد امين الحق القاعده جو اهم ويڙهاڪ آهي. دهشتگرد امين الحق جو نالو گڏيل قومن جي عالمي دهشتگردن جي فهرست ۾ به شامل آهي.سي ٽي ڊي ترجمان چيو آهي ته امين الحق جي گرفتاري جو ڪيس داخل ڪري جاچ شروع ڪئي وئي آهي، ياد رهي ته القاعده جو اڳوڻو سربراهه اسامه بن لادن 2 مئي 2011 تي آمريڪي ڪمانڊوز پاران ايبٽ آباد ۾ ڪيل آپريشن دوران مارجي ويو هو.
