ممبئي ( ويب ڊيسڪ ) بالي ووڊ جي مشهور جوڙي ريچا چڍا ۽ علي فضل جي گهر ننڍڙي مهمان جي آمد ٿي آهي.
پرڏيهي خابرو اداري موجب، ريچا چڍا 18 جولاءِ تي گڏيل بيان جاري ڪيو جنهن ۾ جوڙي نياڻي جي پيدائش جو اعلان ڪيو .
ريچا چڍا ۽ علي فضل پنهنجي بيان ۾ چيو ته هنن ٻه ڏينهن اڳ 16 جولاءِ تي پنهنجي صحتمند ننڍڙي پري کي دنيا ۾ ڀليڪار چيو آهي، اسان اِها خوشخبري سڀني کي ٻڌائيندي تمام گهڻي خوشي محسوس ڪري رهيا آهيون.
اسٽار جوڙي چيو ته سندن گهرڀاتي نياڻي جي پيدائش تي تمام گهڻو خوش آهن ۽ اسان انهن سمورين ماڻهن جا ٿورائتا آهيون جن ان سفر ۾ اسان لاءِ نيڪ خواهشن جو اظهار ڪيو .
واضح رهي ته علي فضل ۽ ريچا چڍا سال 2020 ۾ باظابطا شادي ڪئي هئي پر هو عالمي وبا ڪورونا وائرس سبب پنهنجي شاديءَ جو جشن نه ملهائي سگهيا هئا، انڪري ٻنهي آڪٽوبر 2022 ۾ ٻيهر شادي ڪرڻ جو فيصلو ڪيو.
آڪٽوبر ۾ علي فضل ۽ ريچا چڍا جي شادي جون تقريبون ڀارت جي راڄڌاني نئين دهلي ۾ ٿيون جتي سندن مهندي واري رسم ٿي، جنهن بعد جوڙي شادي لاءِ اتر پرديش رياست جي شهر لکنئو جي چونڊ ڪئي، جتي ٻنهي روايتي رسمن تحت شادي ڪئي.
