اسلام آباد(م ڊ) لاهور هاءِ ڪورٽ جي اڳوڻي جج جسٽس شاهد جميل لاهور هاءِ ڪورٽ جي اڳوڻي چيف جسٽس امير حسين ڀٽي تي سنگين الزام هنيا. سوشل ميڊيا ٽاڪ شو ”ٽاڪ شاڪ“ ۾ اعزاز سيد سان ڳالهائيندي اڳوڻي جج شاهد جميل دعويٰ ڪئي ته جسٽس امير ڀٽي پي ٽي آءِ سان تعلق رکندڙ پنهنجي پٽ کي سياسي فائدو ڏنو، خاص بينچ ٺاهي وئي، جسٽس اميربٽي کي رشوت وٺڻ جي اجازت ڏني وئي پڻ هڪ تاثر آهي. اڳوڻي جج شاهد جميل چيو آهي ته جسٽس امير ڀٽي جي پٽ کي وزارت ملڻ بعد ماني لاءِ فون ڪيو پر مان نه ويس. صابر مٺو مقرري کان اڳ کين چيو هو ته باجواچيف هوندو.
