ڪراچي ( رپورٽر ) ڪراچي ۾ رينجرز ۽ پوليس گڏيل ڪارروائي ڪندي 5 جوابدارن کي گرفتار ڪري ورتو. قذافي روڊ اورنگي ۾ رينجرز ۽ پوليس گڏيل ڪارروائي ڪندي 5 جوابدارن کي گرفتار ڪري ورتو، گرفتار جوابدارن وٽان 4 پستول ۽ 74 گوليون هٿ ڪيون ويون آهن. رينجرز ترجمان موجب معمول جي اسنيپ چيڪنگ تي مقرر رينجرز اهلڪارن گاڏيءَ کي روڪي ورتو، جڏهن ته ڪار ۾ موجود شڪي ماڻهن جي حرڪت تي شڪ جي بنياد تي تلاشي ورتي وئي. رينجرز ترجمان جو چوڻ آهي ته جوابدارن کي گرفتار ڪيو ويو جڏهن ته ڪارروائي دوران غير قانوني هٿيار هٿ ڪيا ويا.
-
آءِ جي سنڌ جي صدارت هيٺ پوليس اسٽيشنن جي سڌارن بابت اجلاس، هدايتون
ڪراچي ( رپورٽر ) آءِ جي سنڌ غلام نبي ميمڻ جي صدارت هيٺ سينٽرل پوليس آفيس ڪراچي ۾ پوليس اسٽيشنن جي سڌارن بابت اجلاس ٿيو، جنهن ۾ ايڊيشنل آءِ جي آپريشنز، ڊي آءِ جيز، ٽي اينڊ ٽي، هيڊ ڪوارٽرز، آءِ ٽي، ايڊمن ڪراچي اسٽيبلشمينٽ، فنانس، ڊي آءِ جي عاصم قائم خاني ۽ ٻين شرڪت ڪئي. اجلاس کي ڊي آءِ جي اسٽيبلشمينٽ ۽ ايڊمن ڪراچي پاران پوليس عملي جي حوالي سان تفصيلي بريفنگ ڏني وئي. آءِ جي سنڌ پوليس ۾ مثبت تبديلي آڻڻ ۽ عوام دوست ماحول جي بهتري لاءِ پوليس اسٽيشنن ۾ قابل، محنتي ۽ قابل آفيسرن کي مقرر ڪرڻ جون هدايتون ڏنيون، آءِ جي سنڌ هدايت ڪئي ته پوليس اسٽيشنن ۾ موجود گاڏين ۽ ماڻهن جي گهربل ضرورتن بابت جامع تفصيلن تي مشتمل هڪ لسٽ تيار ڪئي وڃي ۽ ان سان گڏ پوليس اسٽيشنن کي افرادي قوت جي فراهمي بابت جامع ۽ حتمي سفارشون پڻ تيار ڪري موڪليون وڃن. ان کان علاوه ايندڙ مالي سال کان پوليس اسٽيشنون به مالي طور خودمختيار ٿي وينديون.
