ڪراچي(رپورٽر)سنڌ جي گهرو وزير ضيا الحسن لنجار مغوي ٻارڙي پريا ڪماري ڌيءُ راجو مل هندو کي بازياب ڪرائڻ لاءِ جي آئي ٽي جوڙي ڇڏي آهي، صوبائي وزير مطابق جوائنٽ انٽروگيشن ٽيم جي سربراهي ڊي آءِ جي مير پورخاص جاويد جسڪاڻي ڪندو، جي آئي ٽي جي ٻين ميمبرن ۾ ايس ايس پي حيدر آباد امجد شيخ، ايس ايس پي شهيد بينظير آباد تنوير تنيو ۽ 2 ڊي ايس پيز شامل آهن، جي آئي ٽي ۾ ڊي ايس پي نامزدگي، آئي جي سنڌ غلام نبي ميمڻ پاران ڪئي وئي آهي، صوبائي گهرو وزير 3 هفتن ۾ رپورٽ موڪلڻ جا حڪم ڏنا ويا آهن.
