ميهن جي سبزي هندستان ۽ پاڪستان ۾ وڏي پيماني تي مختلف کاڌن ۾ استعمال ڪئي ويندي آهي، ڪيترن ئي ماڻهن خاص ڪري ٻارن جو منهن ميهن جو چڙهيل ٻوڙ ڏسي خراب ٿي ويندو آهي پر انهن کي اها خبر ناهي ته اهي ميها نه کائي ڪهڙي فائدن کان محروم بڻجن ٿا.
ميهن ۾ ڪيلوريز جو مقدار تمام گهٽ جڏهن ته ضروري شيون جهڙوڪ وٽامن سي، وٽامن اي، پوٽاشيم ۽ خوراڪ جا ٻيا جُز انتهائي ججهي مقدار ۾ هوندا آهن اهو ئي سبب آهي ته اُهي گڏيل صحت ۽ تندرستي لاءِ تمام بهترين سبزي آهن.
