ڪراچي (ويب ڊيسڪ) ايس ايم اسٽوڊنٽ ايڪشن ڪميٽي طرفان اڄ اڱاري ڏينهن ايس ايم لا ڪاليج کان ڪراچي پريس ڪلب تائين ”سنڌ وحدت مارچ“ ريلي ڪڍي وئي، جنهن ۾ وڪيلن، شاگردن، سول سوسائٽي ۽ زندگي جي مختلف شعبن سان لاڳاپيل ماڻهن شرڪت ڪئي.
ريلي جي شرڪت ڪندڙن سنڌ جي وحدت، ايڪتا ۽ حقن بابت پنهنجن مطالبن ۽ موقف جو اظهار ڪيو.
شرڪت ڪندڙن مختلف نعرن ۽ بينرن ذريعي پنهنجا خيال پيش ڪيا ۽ سنڌ جي عوام جي آئيني، جمهوري ۽ بنيادي حقن جي تحفظ تي زور ڏنو.
ان موقعي تي ايس ايم اسٽوڊنٽ ايڪشن ڪميٽي جي اڳواڻن خطاب ڪندي چيو ته سنڌ جي وحدت ۽ عوام جي بنيادي حقن لاءِ شاگردن، وڪيلن ۽ سول سوسائٽي جو ڪردار اهم آهي.
هنن چيو ته پرامن، جمهوري ۽ آئيني جدوجهد ذريعي پنهنجا مطالبا لاڳاپيل ادارن ۽ اختيارين تائين پهچائيندا رهندا.
مارچ جي پڄاڻي تي ڪراچي پريس ڪلب آڏو شرڪت ڪندڙن پنهنجا مطالبا پيش ڪيا ۽ ان عزم جو اظهار ڪيو ته سنڌ جي حقن ۽ وحدت بابت پرامن جدوجهد کي جمهوري ۽ آئيني دائري ۾ جاري رکيو ويندو.
