ممبئي (ويب ڊيسڪ) ڀارتي وومين ڪرڪيٽ ٽيم جي ڪپتان هرمن پريت ڪور سمورن فارميٽس جي ڪپتاني تان استعيفيٰ ڏئي ڇڏي.
هرمن پريت ڪور سوشل ميڊيا پوسٽ ذريعي هڙني فارميٽس ۾ ٽيم جي قيادت ڇڏڻ جو اعلان ڪيو.
ڀارتي ميڊيا رپورٽن موجب، هرمن پريت جي جاءِ تي سمرتي منڌنا کي ٽيم جي قيادت ملڻ جو امڪان آهي.
رپورٽن موجب، گوهاٽي ۾ بي سي سي آءِ جي جائزي واري اجلاس کانپوءِ هرمن پريت ڪور ڪپتاني ڇڏڻ جو اعلان ڪيو.
هن چيو ته اڄ سڀني فارميٽس ۾ ٽيم جي قيادت ڇڏي آهي، اهو فيصلو سولو نه هو، ڪيترن ئي سالن جا لمحا ۽ ايموشن ان سان واڳيل آهن.
هن چيو ته ڪپتاني ڇڏڻ کانپوءِ هوءَ هاڻي رانديگرياڻي طور ڀارت ڪرڪيٽ جاري رکندي.
