خيرپور (ويب ڊيسڪ) خيرپور رياست جي آخري حڪمران مير علي مراد خان ٽالپر جي جنازي نماز ڪوٽڏيجي ۾ ادا ڪئي وئي.
جنازي نماز علامه شهنشاهه حسين نقوي پڙهائي، جنهن ۾ مير علي مراد خان ٽالپر جي خاندان، ضلعي انتظاميا جي عملدارن، سياسي ۽ سماجي شخصيتن سميت شهرين وڏي انگ ۾ شرڪت ڪئي.
جنازي نماز ۾ مير علي مراد خان ٽالپر جي ٻن پٽن سميت ٻين معزز شخصيتن پڻ شرڪت ڪئي.
جنازي نماز کانپوءِ مير علي مراد خان ٽالپر جي تدفين ڪوٽڏيجي ۾ ڪئي وئي.
