آمريڪي اليڪٽرڪ گاڏيون ٺاهيندڙ ڪمپني ٽيسلا جي سي اي او ايلون مسڪ دعويٰ ڪئي آهي ته ايندڙ ڪجهه سالن دوران انسانن جهڙن روبوٽس جو استعمال تيزيءَ سان وڌندو ۽ ماڻهو پنهنجن پيرسن والدين ۽ ٻارن جي سار سنڀال لاءِ ذاتي روبوٽس استعمال ڪندا.
پرڏيهي خابرو اداري موجب، هڪ انٽرويو ۾ ايلون مسڪ چيو ته مستقبل ۾ هڪ شخص هزارين روبوٽس ۽ ڊجيٽل ايجنٽن کي ڪنٽرول ڪري سگهندو، جڏهن ته ايندڙ 10 سالن اندر انسان نما روبوٽس جو انگ هڪ ارب تائين پهچي ويندو.
هن دعويٰ ڪئي ته 15 سالن ۾ انسان نما روبوٽس جو انگ 10 ارب ۽ 20 سالن ۾ 100 ارب تائين پهچي سگهي ٿو.
ٽيسلا جي سي اي او چيو ته ماڻهو ٻارن جي تعليم سميت ڪيترائي ٻيا ڪم به روبوٽس ذريعي سرانجام ڏيندا، جڏهن ته پيرسن والدين ۽ ٻارن جي سار سنڀال لاءِ به ذاتي روبوٽس استعمال ڪيا ويندا.
ايلون مسڪ وڌيڪ چيو ته جڏهن به ممڪن هجي، ماڻهن کي چين جو ضرور دورو ڪرڻ گهرجي ۽ جيڪڏهن وقت محدود هجي ته گهٽ ۾ گهٽ شنگهائي ۽ بيجنگ ضرور وڃڻ گهرجي.
